ودِّي أمُـوتْ .. اليُـوم ...

السلام عليكم
ابيات شعر اعجبتني اتمنى تعجبكم

مدخل::
علمتني الحيـــــــاة... ان اجعل قلبــــــي...مدينة.....

ودِّي أمُـوتْ .. اليُـوم ...وأعيـش باكـر
وأشوفْ مِنْ هـو .. بعـد مُوتـي فقدنـي ..!
ومِن ْهو حَمَلْني لِيـن .. ذِيـكْ .. " المقابـر"
وأشْكـرْ أنـا .. كِـل مِـنْ كَرَمْنـي ودِفنِّـي
وبشُوفْ .. يرثيني أنـا كَـمْ [ شاعـر ] ..؟
ومِنْ هو تركْنـي .. ومـا كِتَـب شَـي عنِّـي
شِخصٍ تعنَّـى لـي .. مـع إنـه .. مسافـر
وشِخـصٍ قِريـبٍ .. وآنـا مَيِّـت / طعنِّـي
وشِخصٍ يمثِّل دمعِتَـه .. مـا هـو قـادر !
وشِخصٍ تِطيـح دموعـه كِـلْ مـا ذكرنـي
ومِنْ هو مِـنْ أهلـي في العَـزا كـان حاضـر
ومِن ْهو دعى لي فـي " صلاتـه " ورحمنـي
ومِن ْهـو بنـى [ بإسمـي ] سبيـل ومنابـر
ومِنْ هـو يفـز قلبـه .. إلا مِــنْ لمحـنـي
ومِنْهو عشانـي : طُـول الأيـام ساهـر ..!
ومِن ْهـو ثـلاث أيَّـام .. راح وتركنـي ..؟
ومِنْ هـو يرتِّـب .. غرفتـي .. / والدفاتـر
وإن شاف ( صوره ) لـي صاح وحضنِّـي
يالله عسـى .. مـا تغفـى كـل المشاعـر
ويالله عسـى .. مـا ينصِـدِم يُـوم ظـنِّـي
خايـف يـروح العُمْـر .. وأكُـونْ خاسـر
وإن طـار طيـري .. مـا يفيـد / التمنِّـي
وخايـف يجينـي وقـت : أكْسِـر خواطـر
إن دارت الدنـيـا .. وزمـانـي كسـرنـي
ومـدام هـذي الدنيـا .. صـارت مظاهـر
وكِـلْ مَـنْ علـى كيفـه .. وجَـوَّه يغنـي
الضيـق وافـي .. والحـزن حيـل وافــر
والجـرح أكثـر شـي .. شفتـه يحبـنـي
عايـش وميِّـت بيـن .. ماضـي وحاضـر
والصبـر [ مفتـاح الفـرج ] ضـاع منِّـي
قل وش تبـي وتتركنـي يـا حزنـي آمـر
مسكيـن فرحـي / تصـدِّق إنَّ وحشنـي !!
( شاعـر ) ولكنِّـي .. مانـي ب شـاعـر
ودِّي أمـوت اليـوم .... وأرتـاح منِّـي !!

مخرج::سكانها
المحبه . ..وطريقها التسامح والعفو

ودِّي أمُـوتْ .. اليُـوم ...وأعيـش باكـر
وأشوفْ مِنْ هـو .. بعـد مُوتـي فقدنـي ..!

كلمات راائعه جدا
تسلم اناملك علي النقل الجميل

..{ عاشقه البحر ..

الف شكر لكـ
دمتي بحب

هلا روح منوره ياقلبي

سعيده بهالمرور

دمتي بسعادهـ

الله يطول بعمرك حياتي

يسلمو عالطرح

تحياتي

احن لايام جميله جمعتني بيك لا اعلم لماذا استسلمت ولكن اعلم ان الحياه صعبه ولن تسمح لنا بالبقاء معا فقررت الرحيل

مشكور عاشق على مرورك